最得QT心，食過一次後一買再買😌唯一做到蔥油、醬料、麵質都水準好好！蔥油夠香而食得出係無外加味精！唔同嘅拌麵會因而配合返合適嘅麵型！麵質彈口不糊口！有蛋香味！價錢都夠貼地！份量都足！口味選擇有「招牌蔥油」，其次「四川麻辣」、「紅油麻醬」、「胡椒麻醬」、「酸辣」、「福椒」、「成都蒜椒」，最後連素食人士都照顧埋有「素椒」！隻隻味都正到要大掃！
講開拌麵～台灣嘅即食拌麵有好多品牌，最廣為人知係「曾拌麵」當初推出時連台灣人都瘋癲搶購！可惜QT食過都覺得未做到拌麵真正精髓位，但此品牌拌麵醬方面的確做的唔錯！其後有藝人都加入拌麵戰團推出個人品牌拌麵！有kk、檸檬等品牌～ 前者還好蔥油醬做得尚算可以，但麵底質感同蛋香就未到家，易糊口、咬口唔夠彈，蛋香同樣有進步空間！後者就直頭得個名，跟風而且用錢炒作風頭出來！醬料同麵底都好垃圾！而且包裝都過於花巧製造好多無必要嘅垃圾！！又貴又垃圾～未食過嘅真係無謂浪費錢試～
Search